Xitoyning aerokoinot sohasi muhandislari “Chan'e-4” stansiyasini Oyga muvaffaqiyatli qo‘nib, ishlay boshlaganidan keyin 3 o‘lchamli bosma texnologiyalarini qo‘llagan holda Oyda baza qurishni boshlamoqchi. Bu haqda Daily Mail nashri xabar berdi.
Ta'kidlanishicha, Yerning yo‘ldoshidagi bunday obekt Marsdagi missiya uchun 3 o‘lchamli bosma yordamida qurish texnologiyasi sinaladigan poligonga aylanishi mumkin.
Xitoylik mutaxassislarning fikricha, Oy bazasi qurilishini joriy yil oxirida boshlash mumkin. Oy sirtida birinchi obekt unga “Chan'e-5” qurilmasi qo‘ngandan keyin bosilishi mumkin. Xitoy milliy koinot boshqarmasida ta'kidlanishicha, loyiha uncha qimmatga tushmaydi: modulning Oyga jo‘natilishi va yerliklar uchun Oyda ilk “uy” qurilishi bir kilometr uzunlikdagi metro qurish xarajatlariga teng ekan.
