Favqulodda vaziyatlar vazirligi «Qamchiq» dovoni bo‘yicha axborot xabarnomasi bilan chiqdi.
Vazirlik saytida aytilishicha, O‘zgidromet ma'lumotiga asosan, joriy yilning 14 fevral kuni «Qamchiq» dovonida qor yog‘ishi kutilmoqda.
Qayd etilishicha, vaqti-vaqti bilan qor kuchayishi, tuman tushib, ko‘rinish 50-100 metrgacha yomonlashishi, shamolning tezligi 15-18 m/s.gacha kuchayishi, yo‘llarda qor uyumlarining yuzaga kelishi, yo‘l muzlashi mumkin.
Eslatib o‘tamiz, avvalroq O‘zbekistonga salqin havo massalari kirib kelishi, ba'zi hududlarda yomg‘ir va qor yog‘ishi xabar qilingandi.
