Markaziy bank Raisi o‘rinbosari Adham Rustamovich Islomov o‘z vazifasidan ozod etilgan, deb xabar bermoqda Kun.uz axborot manbasi.
1976 yil Toshkent shahrida tug‘ilgan Adham Islomov 2018 yil yanvaridan buyon Markaziy Bank raisi o‘rinbosari lavozimida ishlab kelayotgandi.
U bundan avval O‘zbekiston Prezidenti Devoni ijtimoiy-iqtisodiy siyosatni muvofiqlashtirish xizmatining bosh konsultanti sifatida faoliyat ko‘rsatgan.
Kun.uz muxbirining xabar berishicha, Islomovning o‘rnini shu vaqtga qadar «O‘zagrosug‘urta» raisi lavozimida ishlab kelayotgan Saidqahhor Xolxo‘jayev egallaydi.
