Foto: The AFC
OFK prezidenti Shayx Salmon bin Ibrohim Al-Xalifa tashkilotning bugun, 4 aprel kuni Kuala-Lumpurda bo‘lib o‘tayotgan Kongressida bir ovozdan ikkinchi muddatga prezidentlik lavozimiga saylandi.
53 yoshli bahraynlik funksioner saylovda yagona nomzod sifatida ishtirok etdi. Uning raqobatchilari bo‘lishi kutilgan qatarlik Saud Al-Mohannadi va BAA vakili Muhammad Al-Romaiti mart oyida nomzodlarini qaytarib olishgandi.
Endilikda Shayx Salmon bin Ibrohim Al-Xalifa keyingi to‘rt yilda ham Osiyo futboliga rahbarlik qiladi. U 2013 yil may oyidan buyon OFKni boshqarib kelmoqda.
