20:30 / 10.04.2019
3659

Yevropa Ittifoqi Eronga qarshi sanksiyalar muddatini uzaytirdi

Yevropa Ittifoqi Eronning ba'zi fuqarolari va kompaniyalariga qarshi 2020 yil 13 aprelgacha sanksiyalar uzaytirilishini e'lon qildi. YeI buni Erondagi inson huquqlari buzilishi bilan bog‘lamoqda. 

YeI bayonotiga ko‘ra, sanksiyalar bir qator eronliklarning Yevropa Ittifoqi hududiga kirishini taqiqlash va ularning moliyaviy aktivlari muzlatilishini o‘z ichiga oladi. Shuningdek, sanksiyalarda Eronga “ichki qatag‘onlarda qo‘llanishi mumkin bo‘ladigan” va telekommunikatsiyani monitoring qilish uskunalarining yetkazilishini taqiqlash nazarda tutilgan.

Bunday choralar Eronga nisbatan 2011 yilda kiritilgan va har yili uzaytirib kelinadi.

Mavzuga oid
Top