Gretsiyada olti mingta orol bor. Ularga tashrif buyurish istagidagi sayyohlar soni ham har yili tobora ortmoqda. Buning sabablari ham talaygina.
Sayyohlarni Gretsiyadagi qaysi jihatlar o‘ziga jalb etadi? Gretsiyada 300 ga yaqin aholi yashaydigan orollar va undan ham ko‘proq dam olish maskanlari bor. Sayyohlar chiroyli qumli plyajlarga dam olish, afsona va ma'budlar shaharlarining tarixi bilan tanishish uchun boradilar.
Plyajlar, O‘rtayer dengizining iqlimi va mahalliy aholining mehmondo‘stligi – dam oluvchilar sonining ortishiga sabab bo‘ladigan jihatlar bu bilan yakunlanmaydi. Agar Gretsiya bilan tanishish uchun sayohatga otlanishga qaror qilsangiz, qiziqarli yo‘nalishlar bilan tanishing. E'tiboringizga ana shunday bir necha orollarni taqdim etamiz.
Korfu
Eng mashhur orollardan biri. Korfu – elegant arxitektura, Vizantiya cherkovlari, gullar bilan bezatilgan keng maydonlar.
Zakintos
Ko‘ngil ochishni istaganlar uchun eng yaxshi tanlov. Sarguzasht izlovchilar bu yerda qiziqarli plyajlar, ko‘rfazlar, yashil zaytun daraxtlari va uzumzorlarni tomosha qilishlari mumkin.
Kefaloniya
Bugun mazkur joy mashhur emas, demak sayyohlar bilan «to‘lib-toshmagan». Kefaloniya - Ioniy dengizidagi yirik orol. Bu yerda havo rozmarin (xushbo‘y moy olinadigan buta) iforiga to‘yingan. Sayyohlarni chiroyli, qumli plyajlar va dengiz g‘orlari xursand qiladi.
Lefkas
Orol eng go‘zal grek oroli deb tan olingan. Bu yerda ko‘plab muzeylar, cherkovlar va yodgorliklarning guvohi bo‘lishingiz mumkin. Orol ko‘pincha bosqinchilar ta'siriga tushib qolgan. Bu esa yorqin iz qoldirgan.
Tasos
Bu Gretsiyaning eng shimoliy oroli. Joy qulay iqlimi, ko‘p sonli plyaj va ko‘rfazlari bilan dong‘i chiqqan.
