Kot-d'Ivuar milliy jamoasi sobiq yarimhimoyachisi Yaya Ture Xitoyning ikkinchi divizioni vakili «Tsindao Xaynyu» klubi bilan shartnoma imzolash uchun Tsindao shahriga keldi.
36 yoshli yarimhimoyachini aeroportda muxlislar va jurnalistlar kutib olishgan; Ture qo‘lida yangi jamoasining sharfini ushlagan holda rasmga tushgan.
Yayaning oxirgi klubi Gretsiyaning «Olimpiakos»i bo‘lgandi. Tomonlar 6 oylik hamkorlikdan so‘ng dekabr oyida o‘zaro kelishuv asosida bitimni bekor qilishgan edi.
Eslatib o‘tamiz, Ture bunga qadar «Manchester Siti», «Barselona», «Monako», «Metallurg Donetsk» klublarida o‘ynagan; Kot-d`Ivuar milliy jamoasi safida Afrika millatlar kubogida g‘olib chiqqan.