21:36 / 14.08.2019
14325

YeXHT Qirg‘izistonda "Aprel" telekanali yopilishidan tashvish bildirdi

YeXHTning OAV erkinligi bo‘yicha vakili Arlem Dezir Qirg‘izistonning sobiq prezidenti Almazbek Atamboyevga tegishli "Aprel" telekanali yopilishidan tashvish bildirdi. Bu haqda tashkilot saytida e'lon qilingan rasmiy bayonotda aytiladi.

"Men "Aprel" telekanaliga tegishli mulkning musodara qilinishi va uning efiri to‘xtatilishidan tashvishdaman. Bu qaror favqulodda holatda qabul qilinganini bilsam-da, amaldagi hukumatni bu qarorni qayta ko‘rib chiqishga chaqiraman. OAV erkinligi va turfa xilligini og‘ir vaziyatlarda ham qo‘llab-quvvatlash kerak", - deyiladi YeXHT vakili bayonotida.

Qirg‘iziston hukumati telekanal efirini 7 avgustda, Qo‘y-Tosh qishlog‘ida Atamboyevni qo‘lga olish operatsiyasi boshlanganidan keyin to‘xtatib qo‘ygandi. 

Mavzuga oid
Top