O‘zbekiston Respublikasi prezidentining 2019 yil 1 iyuldagi PQ-4380-son “O‘zbekiston Respublikasi Adliya vazirligi huzuridagi intellektual mulk agentligi faoliyatini tashkil etish chora-tadbirlari to‘g‘risida”gi qarori talablariga asosan Intellektual mulk agentligi xodimlari joriy yilning 14-16 avgust kunlari navbatdan tashqari attestatsiyadan o‘tkazildi.
Adliya vazirligi xabariga ko‘ra, attestatsiya komissiyasining tegishli qaroriga muvofiq Intellektual mulk agentligining jami 59 nafar xodimi attestatsiyadan o‘tkazilib, shundan 26 nafari (44 %) egallab turgan lavozimlariga “loyiq”, 5 nafari (8,4 %) egallab turgan lavozimlariga “shartli ravishda loyiq”, 23 nafari (38,9 %) “attestatsiyadan o‘tmadi – egallab turgan lavozimlariga noloyiq” deb topildi. Shuningdek, 5 nafari (8,4 %) bilan egallab turgan lavozimida olti oydan kam bo‘lgan muddatda ishlab kelayotganligi sababli suhbat o‘tkazilib, ularga kelgusidagi faoliyati yuzasidan tegishli ko‘rsatmalar va tavsiyalar berildi.
Hozirda intellektual mulk agentligi xodimlari tarkibini yuqori malaka va tajribaga ega xodimlar bilan to‘ldirish choralari ko‘rilmoqda, deyiladi xabarda.
