AQSh terrorchilikka qarshi sanksiyalarini kengaytirib, unga 12 jismoniy shaxs va tashkilotni kiritdi. Bu haqda Oq uydagi matbuot anjumanda Mayk Pompeo ma'lum qildi.
“Bugun davlat departamenti terrorchi guruhlarning 12 yetakchisi sanksiyalar ro‘yxatiga kiritilishini e'lon qiladi”, deb aytgan Pompeo.
Uning aytishicha, ro‘yxatga “Hizbulloh”, XAMAS, “Islom jihodi”, IShID va uning Afrika hamda Falastindagi bo‘linmalari. “IShID-Xuroson”, Pokistonning “Tahrik-i Tolibon Pokiston”, Suriyaning “Xuros Ad-Din” terrorchi guruhlari yetakchilari kiritilgan.
Pompeoning ta'kidlashicha, AQSh prezidenti Donald Tramp bu haqidagi farmonni sanksiyalar rejimini terrorchilarga qarshi qo‘llash imkonini maksimal kengaytirgan holda o‘zgartirib imzolagan.
AQSh moliya vaziri Stiven Mnuchin Eronning Islom inqilobi soqchilari korpusiga qarshi sanksiyalar ham kengaytirilishini ma'lum qilgan.
Tramp uning farmoni “terrorchilikka qarshi kurashish bo‘yicha sanksiyalarni modernizatsiyalash va kengaytirish”ga imkon berishini aytgan.
