16:58 / 26.09.2019
0
3571

O‘zbekiston delegatsiyasi biznes-ombudsman boshchiligida xalqaro forumda ishtirok etmoqda

O‘zbekiston Respublikasi delegatsiyasi biznes-ombudsman boshchiligida 2019 yil 26-27 sentabr kunlari Boshqirdiston Respublikasida bo‘lib o‘tadigan V tantanali xalqaro “Shanxay hamkorlik tashkiloti va BRIKSga a'zo davlatlarining kichik va o‘rta biznes forumi”da ishtirok etmoqda. 

Biznes-ombudsman Dilmurod Qosimov “Tadbirkorlik sub'yektlarining huquqlari va qonuniy manfaatlarini himoya qilish tizimining xususiyatlari: O‘zbekiston misoli” to‘g‘risida nutq so‘zlanishi rejalashtirilmoqda. Rossiya Federatsiyasi hukumati raisi Dmitriy Medvedev ham forumga tashrif buyurishi kutilmoqda. 

Forum Shanxay hamkorlik tashkiloti va BRIKSga a'zo davlatlarining kichik va o‘rta biznesini qo‘llab-quvvatlash va rivojlantirishga bag‘ishlangan bo‘lib, ishtirokchilarga xalqaro tajriba almashuvi uchun o‘zgacha imkoniyatdir. Ta'kidlash joizki, investitsiyalarni jalb qilish va O‘zbekistondagi ishbilarmonlik muhitini yaxshilashga qaratilgan qator kelishuvlar imzolanishi rejalashtirilgan. 

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top