Foto: Markaziy saylov komissiyasi
Navro‘z Rizayev Markaziy saylov komissiyasi matbuot xizmatiga rahbar etib tayinlandi. Bu haqda MSK xabarida aytilgan.
Navro‘z Rizayev 1969 yilda tug‘ilgan, oliy ma'lumotli - Tbilisi davlat universitetini tamomlagan. Mutaxassisligi – filolog, rus va gruzin tili o‘qituvchisi.
U 2017 yildan O‘zbekiston milliy teleradiokompaniyasi “Oʻzbekiston 24” teleradiokanali” davlat unitar korxonasi “Oʻzbekiston 24” telekanali “Tahlilnoma” axborot-tahliliy dasturlar bo‘limining katta muharriri lavozimlarida ishlab kelayotgandi.
