O‘zbekiston Respublikasi Markaziy saylov komissiyasi Oliy Majlis Qonunchilik palatasi deputatligiga nomzodlarni ro‘yxatga olish to‘g‘risida qaror qabul qildi.
Markaziy saylov komissiyasi Tadbirkorlar va ishbilarmonlar harakati - Liberal-demokratik partiya, “Adolat” sotsial-demokratik partiyasi, “Milliy tiklanish” demokratik partiyasi, Xalq demokratik partiyasi, Ekologik partiya tomonidan Qonunchilik palatasi deputatligiga nomzodlarni ro‘yxatga olish uchun taqdim etilgan hujjatlarni ko‘rib chiqib, Saylov kodeksi 40-moddasiga muvofiq qaror qabul qildi. Ro‘yxatdan barcha okruglar kesimidagi 750 nafar nomzod joy olgan.
Eslatib o‘tamiz, deputatlikka nomzodlarning eng ko‘pi pedagog mutaxassisligiga ega - 223 nafar. Iqtisodchilar 143 nafar, shifokorlar 93 nafarga teng. Keyingi o‘rinlardan muhandislar (65), huquqshunoslar (52), agronomlar (30), jurnalistlar (24), tadbirkorlar (18), faylasuflar (8), siyosatshunoslar (3) va boshqalar (91) joy oldi.