15:41 / 21.11.2019
0
12538

SpaceX tajriba raketasi sinov vaqtida portlab ketdi

Foto: NASASpaceFlight

SpaceX kompaniyasining Starship Mk1 kosmik kemasi tajriba prototipi Texas shtatidagi Boka Chika poligonida sinov vaqtida portlab ketdi. Bu haqda NASAspaceflight xabar berdi.

SpaceX kompaniyasining bildirishicha, "ushbu sinovdan maqsad tizimdagi bosimni maksimal darajada ko‘tarish bo‘lgan, shu bois bu kutilmagan holat bo‘lmagan".

Ilon Mask kompaniyasi dekabrda Starship tajriba raketasining sinov parvozini amalga oshirishni rejalashtirgan.

Mask Starship ko‘p martalik kosmik raketasi loyihasini 2017 yilda namoyish etgandi. Raketa yer yaqinidagi quyi orbitaga 150 tonnagacha yuk olib chiqishi mo‘ljallangan.  

Mavzuga oid
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top