O‘zbekiston terma jamoasi himoyachisi, joriy mavsumda Rossiya chempionatida «Rubin» sharafini himoya qilayotgan Vitaliy Denisov og‘ir jarohat olgan bo‘lishi mumkin.
32 yoshli futbolchi RPL 17-turidan o‘rin olgan «Zenit»ga (1:2) qarshi o‘yinda 78-daqiqada zaxiradan maydonga tushib, o‘yin oxirigacha harakat qilgan edi.
Denisov o‘yindan so‘ng o‘ng oyog‘idan jarohat olgani sababli bahsdan so‘ng shifoxonaga olib ketilgan.
Bu mavsumda Vitaliy Denisov «Rubin» tarkibida RPL doirasida 8ta o‘yinda maydonga tushgan. Uning jamoasi 17 ochko bilan 14-o‘rinni egallab turibdi.
