23:55 / 07.12.2019
0
5879

AQSh xorijlik talabalarni tekshirishning qo‘shimcha choralarini o‘rganmoqda

Mark Esper Foto: AP Photo / Andrew Harnik

Pentagon Floridadagi otishmadan so‘ng AQShda harbiy yo‘nalishda ta'lim olayotgan xorijlik talabalarni tekshirish choralarini o‘rganmoqda, deb ma'lum qildi AQSh mudofaa vaziri Mark Esper.

Juma kuni Floridadagi harbiy bazada sodir etilgan otishma natijasida to‘rt kishi halok bo‘ldi va sakkiz kishi jarohatlandi. Otishmani harbiy bazada ta'lim olayotgan saudiyalik harbiy xizmatchi Muhammad al-Shamroniy sodir etgani ma'lum bo‘ldi. Uning nima uchun bunday qilgani hozircha noma'lum. 

"Jamoamiz mamlakatimizga kelayotgan chet ellik talabalarni tanlash va tekshirishni ta'minlash uchun barcha choralarni o‘rganib chiqmoqda. Ularning kim ekanliklarini yaxshi bilishimiz shart", - dedi Esper.

Al-Shamroniy harbiy bazada 2017 yil avgustdan buyon ta'lim olayotgan bo‘lib, ta'lim dasturi uch yilga mo‘ljallangandi. U otishma chog‘ida otib o‘ldirilgan.

Otishma sodir bo‘lgan Pensakola harbiy bazasida 23 minggacha harbiy va fuqarolar hamda ularning oila a'zolari ishlaydi va yashaydi.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top