O‘tgan mavsumni «Paxtakor» tarkibida o‘tkazgan Marat Bikmayev «Lokomotiv»ga qaytdi. Bu haqda klub rasmiy sayti xabar bermoqda.
«2014-2018 yillar davomida «Lokomotiv» tarkibida harakat qilib, ko‘plab gollari bilan muxlislar mehrini qozongan Marat Bikmayev yangi 2020 yilgi mavsumda jamoamiz sharafini himoya qiladi. «Lokomotiv»ga qaytganing muborak, Marat!» - deyiladi klub xabarida.
Eslatib o‘tamiz, 33 yoshli Marat Bikmayev «Lokomotiv» safida 2014-2018 yillar davomida to‘p surib, 65ta golga mualliflik qilgan. 2019 yilda esa «Paxtakor» safida Superligada 8ta gol urishga erishdi.