19:20 / 06.01.2020
1
30174

Sergey Shoygu Turkiya razvedkasi va Eron bosh shtabi rahbari bilan gaplashdi

Rossiya mudofaa vaziri Sergey Shoygu Eron qurolli kuchlari bosh shtabi rahbari Muhammad Bagiri bilan telefon orqali muloqot qildi. Bu haqda Rossiya mudofaa vazirligi ma'lum qilgan.

Suhbat davomida tomonlar eronlik general Qosim Sulaymoniyning o‘ldirilishi mavzusini muhokama qilishgan. Bundan tashqari, Eron va Rossiya yetakchi harbiy rahbarlari Yaqin Sharq, xususan Suriyadagi vaziyat haqida gaplashishgan.

Shoygu avvalroq Turkiya razvedkasi rahbari Hoqon Fidan bilan ham telefon orqali muloqot qilgandi. 5 yanvar tunda o‘tkazilgan suhbatda tomonlar mavzusi ham Yaqin Sharqdagi vaziyatning keskinlashuvi bo‘lgan.

Bugun, 6 yanvar kuni Rossiya prezidenti Vladimir Putin Germaniya kansleri Angela Merkelni Moskvaga taklif qilgani haqida xabar paydo bo‘ldi. 11 yanvar kuni Germaniya va Rossiya yetakchilari Yaqin Sharqda eronlik general Qosim Sulaymoniyning o‘ldirilganidan so‘ng yuzaga kelgan murakkab vaziyatni muhokama qilishi kutilmoqda.

Mavzu
Qosim Sulaymoniyning o‘ldirilishi
Eron tashqi siyosati bunyodkori, Yaqin Sharq bo‘yicha bosh strategi, Eron Islom inqilobi muhofazasi korpusi tarkibidagi «Kuds» maxsus bo‘linmasi qo‘mondoni Qosim Sulaymoniy Bag‘doddagi aeroportda AQSh prezidenti Donald Tramp farmoyishiga binoan o‘ldirildi.
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top