03:08 / 08.01.2020
0
10602

Angliya Liga kubogi. «MYu» «Old Trafford»da «Siti»ga mag‘lub bo‘ldi

Foto: Getty Images

Angliya Liga kubogi dastlabki yarim final uchrashuvi doirasida «Manchester derbisi» o‘tkazildi. 

Shiddatli boshlangan o‘yinning dastlabki daqiqalaridan mehmonlar hujumga o‘tib, 17-daqiqada hisobni ochishdi. Bernardu Silva jarima maydoni tashqarisidan ajoyib zarbasi bilan De Xea qo‘riqlayotgan darvozaning «to‘qqizligi»ni nishonga oldi – 0:1.

Shu kuni Maguayrsiz to‘p surgan «MYu» himoyasi 33-daqiqada Mahrezni qarshi hujumda to‘xtata olmadi, u esa farqni ikkitaga yetkazdi – 0:2.

38-daqiqada esa katta sahnaga de Bryuyne chiqdi. Navbatdagi qarshi hujumda himoya chizig‘ini yorib o‘tgan Kevinning zarbasini De Xea qaytardi, qaytgan to‘p esa Pereyraga tegib, darvoza to‘ridan joy oldi – 0:3.

Ikkinchi bo‘limning 70-daqiqasiga kelib mezbonlar hisobni qisqartiruvchi golni kiritishdi. Grinvudning uzatmasidan keyin Reshford Bravo darvozasiga yo‘l topa bildi – 1:3.

O‘yin yakuniga qadar ikki tomon ham hisobni o‘zgartirish imkoniyatiga ega bo‘lsa-da, «Manchester Siti» javob uchrashuvidan oldin finalga chiqish uchun juda yaxshi imkoniyat hosil qildi.

7 yanvar (seshanba)
Angliya liga kubogi. 
Yarim final. Dastlabki uchrashuv.

Manchester Yunayted – Manchester Siti 1:3

Gollar: 0:1 – 17 Bernardu Silva, 0:2 – 33 Mahrez, 0:3 – 38, avtogol Pereyra, 1:3 – 70 Reshford.

Manchester Yunayted – De Xea, Uan-Bissaka, Uilyams, Lindelef, Djons, Lingard (Matich, 46), Fred, Pereyra, Jyeyms (Gomes, 64), Grinvud, Reshford.

Manchester Siti – Bravo, Uoker, Mendi, Otamendi, Bernardu Silva, Gyundogan, Sterling, de Bryuyne, Mahrez, Fernandino, Rodri Ernandes.

Ogohlantirishlar: Lingard (35), Fred (52), Rodri Ernandes (63), Uilyams (73).

Ushbu jamoalar o‘rtasidagi javob uchrashuvi 30 yanvar kuni «Etihad» stadionida o‘tkaziladi.

Mavzuga oid
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top