Foto: Ijtimoiy tarmoqlar
Ijtimoiy tarmoqlarda Toshkent xalqaro Vestminster universitetida yong‘in sodir bo‘lgani aks etgan video tarqaldi.
Toshkent shahar favqulodda vaziyatlar boshqarmasi navbatchilik qismiga kelib tushgan ma'lumotga ko‘ra, 21 yanvar kuni soat 20:27da Mirobod tumani “Ming O‘rik” mahallasi, A.Temur shoh ko‘chasida joylashgan “Bolajon” bog‘ida yong‘in sodir bo‘lgan.
Qayd etilishicha, mazkur bog‘ Toshkent xalqaro Vestminster universiteti yonida joylashgan.
Voqea yuzasidan tuman yong‘in-qutqaruv belgilangan manzilga soat 20:32da yetib borgan. Yong‘in soat 20:42 da o‘chirilgan. Aniqlanishicha, bog‘dagi eski oshxona ichki qismining 5 kv.m maydoni yongan.
Yuzaga kelgan yong‘in sabablari aniqlanmoqda, deyiladi FVV xabarida.
