Turkiya Suriyaning Idlibida vaziyat keskinlashganidan so‘ng migrantlar va qochqinlar oqimini to‘xtatib tura olmasligini bildirdi va YeI bilan chegaralarini ochib yubordi. Shundan keyin minglab migrantlar Gretsiya chegarasiga yetib keldi.
Turkiya prezidenti Rajab Toyyib Erdo‘g‘an uning mamlakati suriyalik qochqinlar uchun YeI bilan chegarasini yopmasligini ma'lum qildi
"Qo‘ng‘iroq qilishyapti va chegaralarni yopinglar deyishyapti. Endi kech dedim. G‘arb qochqinlar uchun mas'uliyat yukini bo‘lishishi kerak. Bugun Bolgariya bosh vaziri bilan uchrashamiz, ertaga Angela Merkel bilan gaplashaman", - dedi Erdo‘g‘an Anqaradagi chiqishida.
Turkiya Suriyaning Idlibida vaziyat keskinlashganidan so‘ng migrantlar va qochqinlar oqimini to‘xtatib tura olmasligini bildirdi va YeI bilan chegaralarini ochib yubordi. Shundan keyin minglab migrantlar Gretsiya chegarasiga yetib keldi. Uch kun ichida chegarani noqonuniy kesib o‘tishga bo‘lgan 20 mingga yaqin urinishning oldi olindi.
YeIning tashqi chegaralar nazorati bo‘yicha Frontex agentligi Turkiyadan qochqinlarlar oqimi kuchaygani sababli Yevrohamjamiyat chegaralarini himoya qilish bo‘yicha tayyorgarlikni yuqori darajaga ko‘tardi.
