00:01 / 06.03.2020
0
8034

Idlibda o‘t ochishni to‘xtatish rejimi kuchga kirdi

Rossiya va Turkiya prezidentlarining muzokaralaridan keyin Suriyaning Idlib viloyatida 6 mart yarimtunda o‘t ochishni to‘xtatish rejimi kuchga kirdi.

Foto: REUTERS/Umit Bektas

Vladimir Putin va Rajab Toyyib Erdo‘g‘an uchrashuvi natijalariga ko‘ra tuzilgan memorandumda Suriyaning shimolidagi M4 trassasi yaqinida 12 kilometrlik xavfsizlik yo‘lagi tashkil etilishi ma'lum qilingan. Tomonlar bu hudud bo‘ylab 15 martdan patrullashni boshlashga kelishib olishgan. Yarashuv rejimi boshlangandan keyin Idlibdagi jangovar harakatlar to‘xtatiladi.

Rossiya tashqi ishlar vaziri Sergey Lavrovning qo‘shimcha qilishicha, Moskva va Anqara Idlibda BMT Xavfsizlik kengashi tomonidan terrorchilik guruhlari deb tan olingan barcha guruhlarni yo‘q qilishga kelishib olgan. 

5 mart kuni Kremlda Suriyadagi vazit bo‘yicha Rossiya-Turkiya muzokaralari bo‘lib o‘tdi. 

Mavzu
Idlib mojarosi
2019 yil dekabrida Suriya armiyasi Idlibni to‘liq egallash uchun yurish boshladi. Turkiya esa Suriya shimolidagi ittifoqchilarini himoya qilish uchun bu hududdagi kuzatuv postlariga minglab harbiylarini jo‘natdi va ikki tomon o‘rtasida to‘qnashuvlar ro‘y bera boshladi.
Barchasi
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top