Yangi turdagi koronavirus tarqalish o‘chog‘i hisoblangan Xitoyning Uxan shahrida ochilgan 14 ta vaqtinchalik shifoxonadan 11 tasi yopildi. Bunga ulardagi aksariyat bemorlarga javob berilgani sabab hisoblanadi.
Foto: people.com.cn
Qolgan bemorlar koronavirusga chalinganlar qabul qilinadigan boshqa maxsus shifoxonalarga yo‘llangan.
Epidemiya boshlangandan keyin Xitoydagi bir qator stadionlar va ko‘rgazma markazlari vaqtinchalik gospitallarga aylantirilgan. Bunday shifoxonalardan biri - Tszyaokou tumanidagi shifoxona 1 mart kuni birinchi bo‘lib yopilgan.
Oxirgi ma'lumotlarga ko‘ra, koronavirusga chalinganlar umumiy soni dunyo bo‘yicha 110 ming kishidan oshdi. Ulardan 62 mingi sog‘ayib ketgan, 3800 ga yaqini vafot etgan.
