Rossiya rubli koronavirus pandemiyasi va OPeKning neft hajmini qisqartirish bo‘yicha kelishuvi barbod bo‘lishi ortida dunyoning dollarga nisbatan eng nobarqaror valutalari reytingida 2-o‘ringa ko‘tarildi.
Bundan Bloomberg axborot agentligi ma'lumotlari darak bermoqda.
Rossiya rublidan ham nobarqarorroq valuta Meksika pesosi bo‘lmoqda.
Ta'kidlanishicha, Rossiya valutasi dunyoning boshqa valutalariga nisbatan tobora barqarorsizlashib bormoqda: 2019 yil 30 dekabrda u eng nobarqaror valutalar reytingida 6-o‘rinni, 6 mart, OPeK kelishuvi barbod bo‘lishiga qadar 4-o‘rinni, 17 martda esa 3-o‘rinni egallagan. 18 mart kuni neft narxi 15 yillik minimumga tushib ketishi oqibatida dollar rublga nisbatan bir savdo sessiyasi davomida 5 rublga ko‘tarilgan.
Rublning kursi 2016 yil fevralidan beri ilk bor bir dollarga 80 rubl qiymatidan yuqorilab, 80,87 rublga yetgan.
