Tojikiston 20 mart soat 00.00dan boshlab xorijiy hamda mahalliy aviakompaniyalar tomonidan bajariluvchi barcha xalqaro reyslarni to‘xtatadi.
Bu haqda Tojikiston fuqarolik aviatsiyasi agentligida ma'lum qilingan.
Ma'lumotlarga ko‘ra, uch ichki yo‘nalish - Dushanbe-Xo‘jand, Dushanbe-Kulob va Dushanbe-Xorog bo‘yicha mahalliy aviareyslar jadval bo‘yicha bajariladi. Ta'kidlanishicha, bu choralar Tojikiston hududiga koronavirus kirmasligi uchun qabul qilingan. Taqiqlov 2 hafta davom etadi.
Ayni vaqtda Tojikistonda koronavirusga chalinish holatlari qayd etilmagan.