Hindistonning Chxattisgarx shtatida yashovchi juftlik COVID-19 pandemiyasi vaqtida dunyoga kelgan egizak farzandlariga koronavirus bilan bog‘liq Kovid (Covid) va Korona (Corona) ismlarini qo‘ydi.
Bu haqda Hindustantime nashri xabar berdi.
Egizaklar 27 mart kuni karantin vaqtida dunyoga kelgan.
“Ha, virus xavfli, biroq uning tarqalishi odamlarni sanitariya, gigiyenaga e'tibor qaratishga va boshqa foydali odatlarni egallashga majbur qildi. Shu sababli biz bu ismlarni qo‘yishga qaror qildik”, deb aytgan egizaklarning onasi 27 yoshli Priti Verma.
Shu bilan birga, juftlik kelgusida farzandlari ismlarini o‘zgartirishi mumkinligini aytgan.