2020 yil oktabr oyida buyuk musavvir va naqqosh Kamoliddin Behzod tavalludining 565 yilligini keng nishonlash yuzasidan bayram tadbirlari rejalashtirilgan
Bayram tadbirlariga tayyorgarlik ko‘rish va uni o‘tkazish bilan maxsus tashkil etilgan tashkiliy qo‘mita shug‘ullanadi. Norma’ning yozishicha, bayram sanasiga tayyorgarlik ko‘rish doirasida:
Toshkent shahrining ko‘chalaridan biriga uning nomi beriladi;
Behzod nomidagi Sharq miniatyura san'ati muzeyi xiyobonining zamonaviy qiyofada qayta tashkil etiladi (uning hududidagi haykal 2022 yilda bronzaga o‘tkaziladi);
hayoti va ijodi hamda uning Sharq tasviriy san'atiga qo‘shgan beqiyos hissasiga bag‘ishlangan hujjatli film markaziy TV-kanallarda namoyish etiladi;
2020 yilda ta'sis etiladigan “Kamoliddin Behzod izdoshlari” miniatyura va xalq amaliy san'ati asarlari yillik ijodiy tanlovi o‘tkaziladi;
Behzod va uning izdoshlari asarlari, xattotlik san'ati namunalari, zamonaviy miniatyura asarlari ko‘rgazmasi hamda ilmiy-amaliy konferensiyasining o‘tkaziladi;
“O‘zbekiston zamonaviy miniatyurasi” katalogi tayyorlanadi va nashr etiladi.
Kelgusida Kamoliddin Behzod nomidagi Milliy rassomlik va dizayn institutining asosiy binosi atrof hududida qo‘shimcha o‘quv binosi va zamonaviy axborot-kutubxona markazi, ko‘rgazmalar galereyasini o‘z ichiga qamrab oluvchi yordamchi bino quriladi. O‘zbekiston Badiiy akademiyasi 2020 yil 1 oktyabrga qadar loyiha (obekt) bo‘yicha loyiha-smeta hujjatlari ishlab chiqilishi va ekspertizadan o‘tkazilishini ta'minlashi darkor.
2020/2021 o‘quv yilidan boshlab oliy ta'lim muassasalarida tasviriy va amaliy san'at hamda dizayn yo‘nalishida ta'lim olayotgan talabalar uchun Kamoliddin Behzod nomidagi davlat stipendiyasini ta'sis etiladi.
