14:05 / 30.04.2020
49676

TIV charter reyslar va chet eldagi o‘zbekistonliklarga yordam masalasi bo‘yicha izoh berdi

Foto: Sog‘liqni saqlash vazirligi axborot xizmati

O‘zbekiston Respublikasi Tashqi ishlar vazirligi charter reyslarga aloqador muhim savol va murojaatlar yuzasidan javob qaytardi.

Chet elda bo‘lgan o‘zbekistonlik fuqarolar qaytishi uchun charter reyslar jadvali bormi?

Hozirgi vaqtda vazirlik chet eldagi o‘zbekistonlik fuqarolar qaytishlari uchun charter reyslar jadvali haqida ma'lumotga ega emas.

Agar shunday jadval bo‘lsa, uni e'lon qilish mumkinmi? Qatarda bo‘lgan o‘zbekistonliklar hozirda ishsiz qolishgan va uyga qaytishni xohlashadi. Ular charter reyslarni qancha kutish kerakligi to‘g‘risida bilishmoqchi?

Charter reyslarni tashkillashtirish to‘g‘risida Respublika maxsus komissiyasi qaror qabul qiladi. Maxsus komissiyaning tegishli qarori qabul qilinganidan so‘ng, charter reyslar va ularning yo‘nalishlari to‘g‘risidagi xabar internet resurslarda e'lon qilinadi.

Qatardagi yurtdoshlarimizga Kuvaytdagi O‘zbekiston elchixonasiga murojaat qilish va charter reyslar bilan vataniga qaytish istagida bo‘lganlar ro‘yxatiga kiritilishi uchun kerakli hujjatlarni (pasport ma'lumotlari va telefon raqami) taqdim etish tavsiya etiladi.

Maxsus komissiya tomonidan charter reyslar jo‘natilishi sanasi aniq qilingandan so‘ng Elchixona yurtdoshlarimizni qaror haqida xabardor qiladi.

Agar jadval yo‘q bo‘lsa, unda TIV chet eldagi o‘zbekistonliklarga qanday yordam bermoqchi? TIVning bunday imkoniyati bormi? TIVda chet eldagi o‘zbekistonliklar bilan aloqa bormi?

Charter reyslar jadvali to‘g‘risida ma'lumot yo‘qligini e'tiborga olib, TIV chet eldagi hamyurtlarimizga O‘zbekistonning elchixonalari yoki konsul tashkilotlariga batafsil ma'lumot olish uchun murojaat qilishlarini tavsiya qiladi.

Mavzu
Koronavirus O‘zbekistonda
15 mart kuni O‘zbekistonda koronavirusga chalingan ilk bemor aniqlandi.
Barchasi
Top