Toshkent shahar IIBB Yakkasaroy tumanida sodir bo‘lgan voqea haqida ma'lumot berdi.
Bugun, 12 iyun kuni ertalab soat 9:00 va 9:30 bo‘lgan vaqt oralig‘ida suv ta'minoti tizimida profilaktika ishlarini olib borish maqsadida, "Suvsoz" DUK xodimlari 1989 yilda tug‘ilgan X.B. va 1988 yilda tug‘ilgan X.N. KXAYda joylashgan Yakkasaroy tumanidagi “Sazanchik” kafesi ro‘parasidagi quduqqa tushishgan.
“Taxminga ko‘ra, u yerda to‘plangan zaharli gazlar tufayli yuqorida aytilgan fuqarolar bo‘g‘ilib o‘lganlar.
Ularni qutqarishga harakat qilgan 42 yoshli H.R zaharlanish belgilari bilan kasalxonaga yotqizilgan.
103-tizimiga voqea haqida guvohlar xabar berishgan”, - deyiladi IIBB ma'lumotida.
Qayd etilishicha, hozirda hodisa sabablari aniqlanmoqda.
