Sarvar Ashurov yangi tashkil qilingan Yoshlar ishlari agentligida ish boshladi.
Foto: kamolot.uz
Kun.uz manbasi xabar berishicha, Sarvar Ashurov Yoshlar ishlari agentligi rahbarining birinchi o‘rinbosari etib tayinlandi.
U shu paytga qadar O‘zbekiston Vazirlar Mahkamasi Mahalla, oila va yoshlarni qo‘llab-quvvatlash, madaniyat, ma'naviyat va jamoat tashkilotlari masalalari kotibiyati mudirining o‘rinbosari sifatida ishlab kelayotgandi.
Sarvar Ashurov 1982 yilda tug‘ilgan, O‘zbekiston Milliy universiteti va Toshkent moliya instituti bitiruvchisi hisoblanadi. U muqaddam «Kamolot» YoIH raisi o‘rinbosari va tashkilotning vaqtinchalik raisi lavozimlarida ham faoliyat ko‘rsatgan.
Eslatib o‘tamiz, bugun prezident qarori bilan Alisher Sa'dullayev Yoshlar ishlari agentligi direktori lavozimiga tayinlandi.
