9-sinf bitiruvchilarining akademik litseylarga saralash imtihonlari noma'lum muddatga qoldirildi.
«Maxsus komissiya qaroriga muvofiq karantin talablarining kuchaytirilishi munosabati bilan, akademik litseylarda saralash imtihonlari noma'lum muddatlarga qoldirilganini ma'lum qilamiz», – deyiladi Toshkent shahar xalq ta'limi boshqarmasi xabarida.
Ma'lumot uchun, «Akademik litseylarga umumiy o‘rta ta'lim maktablari o‘quvchilarini tanlab olish, o‘qishga qabul qilish, ularning o‘qishini ko‘chirish va o‘qishdan chetlatish tartibi to‘g‘risida»gi Nizomga asosan, akademik litseylarda saralash imtihonlari har yili 10 iyuldan 25 iyulga qadar o‘tkazilishi belgilangan.
Avvalroq, yuridik texnikumlarga qabul parametrlari haqida ma'lumot berilgan edi.
