20:03 / 15.07.2020
67754

O‘zbekistondagi shakar ishlab chiqaruvchi ikki yirik korxona yopildi

Joriy yilda import shakarga o‘rnatilgan bojxona boji va aksiz solig‘i bekor qilinishi natijasida mahalliy bozor nisbatan arzon narxdagi Rossiya shakari bilan to‘lgan.

“Angren shakar” MChJ va “Xorazm shakar” MChJlar rasman ish faoliyatini to‘xtatganini e'lon qildi.

“Angren-shakar” MChJ matbuot xizmatining bildirishicha, bunga xomashyo zaxirasining tugaganligi sabab bo‘lgan.

“Xorijiy hamkorlar xomashyo yetkazib berishni to‘xtatdi, boisi shakar zavodlarimizning bankrotlik yoqasiga kelib qolganidir. Chunki ikki korxona omborlari tayyor mahsulot bilan to‘lib bo‘ldi. Mahalliy shakar ishlab chiqaruvchilarimiz bozordagi raqobatga bardosh bera olmayapti. Bozorlarni import shakar egallab bo‘ldi”, dedi u. 

Qayd etilishicha, joriy yilda import shakarga o‘rnatilgan bojxona boji va aksiz solig‘i bekor qilinishi natijasida mahalliy bozor nisbatan arzon narxdagi Rossiya shakari bilan to‘lgan.

Ma'lumot berilishicha, “Angren shakar” MChJ va “Xorazm shakar” MChJda jami 2 ming kishi mehnat qilgan.

Top