Ozarboyjon mudofaa vazirligining ma'lumot berishicha, Agdam, Dondar Gushchu va Vaxidli qishloqlari yirik kalibrli qurollar va minomyotlardan o‘qqa tutilgan.
Ozarboyjon mudofaa vazirligi Ozarboyjon-Armaniston chegarasida janglar yana boshlanganini xabar qildi.
"16 iyul tongidan boshlab Armaniston qurolli kuchlari bo‘linmalari Tovuz rayonidagi Ozarboyjon-Armaniston chegara uchastkasidagi Ozarboyjon armiyasi pozitsiyalariga hujum qilishga urindi", - deyiladi xabarda.
Mudofaa vazirligining ma'lumot berishicha, Agdam, Dondar Gushchu va Vaxidli qishloqlari yirik kalibrli qurollar va minomyotlardan o‘qqa tutilgan.
"Ayni vaqtda ushbu yo‘nalishda jang davom etmoqda. Operativ holat Ozarboyjon armiyasi bo‘linmalari nazorati ostida", - deyiladi mudofaa vazirligi tomonidan.
O‘z navbatida, Armaniston mudofaa vazirligi Ozarboyjon bo‘linmalari qo‘poruvchilik uyushtirishga uringani, so‘ngra chegaradosh Aygepar va Movses qishloqlarini o‘qqa tutganligini ma'lum qildi.
Armaniston-Ozarboyjon chegarasida qurolli to‘qnashuvlar 12 iyul kuni boshlangandi.
