Qayd etilishicha, Belarusdagi barqarorlikni izdan chiqarish uchun mamlakatga 200dan ortiq yollanma askar tashlangan.
Foto: belta.by
Belarusda rossiyalik yollanma askarlar qo‘lga olingani xabar qilindi. BeLTA agentligi voqea tafsilotlarini keltirmoqda.
Xabar qilinishicha, 32 kishi qo‘lga olingan bo‘lib, ularning barchasi Vagner xususiy harbiy kompaniyasi jangchilaridir.
Agentlikning o‘z manbalariga tayanib ma'lum qilishicha, saylovoldi kampaniyasi davrida mamlakatdagi barqarorlikni izdan chiqarish uchun Belarusga 200dan ortiq yollanma askar tashlangan.
Ochiq manbalarda qayd etilishicha, Vagner kompaniyasi jangchilari Ukraina, Suriya hududidagi janglarda ishtirok etgan, ayni paytda Liviyadagi to‘qnashuvlarda ham qatnashmoqda.
