AQShning Tesla kompaniyasi aksiyalari narxi birinchi marta 2 ming dollardan oshdi. Buning ortida kompaniya kapitallashuvi 372 mlrd dollarga yetdi. Bu haqda Business Insider nashri xabar berdi.
Foto: EPA
Kompaniya aksiyalari birjadagi savdolar vaqtida 7 foizga qimmatlab, bir donasi uchun 2003 dollargacha yetgan. Bu ko‘rsatkich evaziga kompaniya kapitallashuvi bo‘yicha AQShdagi eng yirik supermarketlar tarmog‘i Walmart’dan o‘zib ketdi. Ayni vaqtda Walmart’ning bozor qiymati 371 mlrd dollarni tashkil qilmoqda.
Tesla kapitallashuvi iyuldan beri 1,5 martadan ko‘proqqa oshgan. O‘shanda ushbu ko‘rsatkich kompaniya aksiyalari qimmatlashgani tufayli 224,5 mlrd dollarni tashkil qilgan.
Vaholanki, Tesla aksiyalari bir yil avval, ya'ni 2019 yil avgustida 260 dollar turgan.
