Qatarda o‘tayotgan Osiyo Chempionlar ligasi nimchorakfinal bosqichi doirasida «Paxtakor» Eronning «Istiqlol» klubini mag‘lub etib, musobaqaning chorakfinal bosqichiga yo‘llanma oldi.
Uchrashuvning 32-daqiqasida hisob forslar tomonidan ochildi. Ali Karimining jarima zarbasi oldida Eldor Suyunov ojiz qoldi – 0:1.
43-daqiqaga kelib muvozanat tiklandi. Hojiakbar Alijonovning uzatmasini Dragan Cheran bosh bilan darvozaga yo‘lladi – 1:1.
Ikkinchi bo‘limni hujumkor boshlagan vakillarimiz 47-daqiqada hisobda oldinga chiqib olishdi. Eren Derdiyo‘qning kuchli zarbasini eronliklar posboni qaytara olmadi – 2:1.
Uchrashuvning qolgan daqiqalarida o‘yindagi ustunlikni o‘z nazoratida saqlagan O‘zbekistonning amaldagi chempioni muhim g‘alabaga erishib, chorakfinal yo‘llanmasiga ega chiqdi.
Toshkent jamoasi bu bilan 11 yildan buyon qayd eta olmagan natijasiga erishdi. «Paxtakor» oxirgi marta 2009 yilda Osiyoning eng nufuzli turniri chorakfinal bosqichida to‘p surgan edi. Oradan 11 yil o‘tib, klub kamida Osiyoning eng yaxshi sakkiz klubi safiga qaytdi.
«Paxtakor»ning chorakfinaldagi raqibi 28 sentabr kuni aniqlanadi. OChLning chorakfinalga chiqqan yana ikki klubi bugun, 27 sentabr kungi o‘yinlardan keyin aniq bo‘lgach, dushanba kuni Qatar poytaxti Dohada chorakfinal bosqichiga qur'a tashlanib, juftliklar ma'lum bo‘ladi.
«Paxtakor» chorakfinal o‘yinini 30 sentabr kuni Dohadagi «Jassim bin Hamad» stadionida o‘tkazadi.
26 sentabr (shanba)
OChL. 1/8 final
«Paxtakor» - «Istiqlol» (Eron) - 2:1
Hakam: Ahmad Abu Bakar Said Al Kaf (Ummon)
Gollar: Dragan Cheran 43, Eren Derdiyo‘q 48 - Ali Karimi 32.
«Paxtakor»: 25.Eldor Suyunov, 3.Hojiakbar Alijonov, 5.Anzur Ismoilov, 9.Jaloliddin Masharipov, 10.Dragan Cheran, 15.Yegor Krimets, 17.Dostonbek Hamdamov (99.Javohir Sidiqov, 74), 20.Odil Hamrobekov, 27.Sardor Sobirxo‘jayev, 34.Farrux Sayfiyev, 77.Eren Derdiyo‘q (11.Igor Sergeyev, 74).
«Istiqlol»: 1.S. Huseyni, 3.Milad Zakipuri, 4.Ro‘zbeh Chashmiy, 5.Orif Qulami, 6.Ali Karimi, 7.Sheyk Diabate, 8.Farshid Ismoili (17.Zakaria, 69), 10.Mehdi G‘oyedi, 66.Mas'ud Riqi (14.Farshid Bageri, 80), 70.Muhammad Donishgar, 72.A. Motahhari (Arash Rizovand, 53).
HIGHLIGHTS | Esteghlal put on a good fighting spirit but it's Pakhtakor who are going through to the quarter-finals!
— #ACL2020 (@TheAFCCL) September 26, 2020
READ: https://t.co/opMVZREUK1#ACL2020 pic.twitter.com/uWT5ch96b9
