Fransiya poytaxti Parijda portlash ovozi eshitildi. Bu haqda qator mahalliy nashrlar bir vaqtda yozishdi.
Gumburlagan ovoz Fransiyada o‘tayotgan «katta dubulg‘a» turkumidagi «Rolan Garros-2020» tennis musobaqasi translatsiyasi vaqtida ham eshitildi. Shveytsariyalik Sten Vavrinka hamda germaniyalik Dominik Kyopfer o‘rtasidagi bahsning birinchi setida qattiq gumburlash eshitilgach, tennischilar bir muddat to‘xtab qolishdi. Tashkilotchilar tomonidan hech qanday ishora bo‘lmagach, sportchilar bahsni davom ettirishdi.
?? #RG20 (🎥@Eurosport_RU ) pic.twitter.com/DFljsHm0DR
— doublefault28 (@doublefault28) September 30, 2020
Parij politsiyasi tezda bu borada ma'lumot berdi. Politsiya xabariga ko‘ra, bu gumburlagan ovoz portlash sabab yuzaga kelmagan. Shunchaki Parij osmoni bo‘ylab sinov parvozini amalga oshirayotgan qiruvchi samolyotlardan biri ovoz chegarasini kesib o‘tgan.
Parijdagi gumburlagan ovoz sabab #Paris heshtegi Twitter'da trendga chiqib ketdi. Bir necha daqiqa ichida Twitter'ning inglizcha kontentida Parijdagi gumburlagan ovoz haqida 20 mingdan ortiq post qo‘yildi.
Bruit entendu à #Paris : Pas d'explosion, c'est un avion de chasse qui a franchi le mur du son.
— Johan Rouquet (@JohanRouquet) September 30, 2020
Pour info, le mur du son est franchi au delà de 1200km/h et une onde sonore se propage à cet instant comme on peut le voir sur ces images lors d'un évènement militaire aux USA. pic.twitter.com/5QhLE7yFvU
Foydalanuvchilar qiruvchi samolyotning ovoz chegarasini kesib o‘tishi chindan portlashga o‘xshagan ovoz chiqarishi haqida yozib, buni isbotlovchi videolar ham ulashdi.
