Xitoy va AQSh olimlari koronavirus infeksiyasiga qarshi samarali tabiiy vositani aniqlashdi.
Foto: RIA Novosti
Olimlar olib borgan tadqiqot davomida katalaza tabiiy fermenti shamollashga qarshi kuchli ta'sirga ega ekanligi, tsitokinlar ishlab chiqilishini tartibga solish bilan koronavirusga xos bo‘lgan tsitokin dovuli va xavfli sistemali shamollashni bartaraf etishi mumkinligi aniqlangan.
Ushbu ferment maymunlarda organizmga salbiy ta'sir ko‘rsatmagan holda koronavirusning ko‘payishiga to‘sqinlik qilishi mumkin.
Bundan tashqari, katalaza o‘pkalardagi alveolalarning ichki sirtini qoplovchi hujayralarning oksidlanishi davomidagi jarohatlardan himoyalashda yordam beradi.
Mutaxassislarning fikricha, katalaza negizida olinadigan dorining ustunligi ishlab chiqarilishi osonligi va katta xarajat talab qilmasligi hisoblanadi.
