15:43 / 07.10.2020
9911

Koronavirusga chalingan Poroshenkoning ahvoli yomonlashgani ma'lum qilindi

Pyotr Poroshenko koronavirus yuqtirganligi haqida sentabr oxirlarida ma'lum bo‘lgandi.

Foto: RIA Novosti

Ukrainaning sobiq prezidenti Pyotr Poroshenkoning ahvoli keskin yomonlashdi. Bu haqda uning turmush o‘rtog‘i Marina Poroshenko ma'lum qildi.

«U kasalxonada, kompleks muolaja olmoqda. Afsuski, uning qoni holati yomonlashdi – judayam quyuqlashib ketgan. Shifokorlar hattoki tahlil ham olisholmayapti», — dedi u.

Poroshenkoning qizi Yevgeniya ham koronavirus yuqtirgan bo‘lib, uning holati yaxshiligi aytilmoqda. Pyotr Poroshenkoda o‘pkaning ikki tomonlama shamollashi aniqlangan.

Pyotr Poroshenko koronavirus yuqtirganligi haqida sentabr oxirlarida ma'lum bo‘lgandi. U koronavirusga topshirgan testi musbat chiqqani va uyida davolanayotganini ma'lum qilgandi. 3 oktabr kuni esa shifoxonaga yotqizildi.

Mavzu
Koronavirus
2019 yilning dekabr oyi oxirida Xitoyning Uxan shahrida noma’lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Mavzuga oid
Top