20:26 / 21.10.2020
55984

Virusolog kimlarga koronavirus vaksinasi foyda bermasligini aytdi

Tibbiyot fanlari doktori, virusolog Anatoliy Alshteynning aytishicha, immunitet tanqisligi mavjud bo‘lgan insonlarga koronavirus vaksinasi ham ta'sir qilmasligi mumkin. Olim buni antitanachalar ishlab chiqishdagi muammolarga bog‘liqligi bilan izohladi.

Foto: Getty Images / Stringer

Shuningdek, u odamlarni kasallikka qarshi immunitetini rivojlantirish qobiliyatiga ko‘ra aniq guruhlarga ajratish ham unchalik oson emasligini qo‘shimcha qildi.

«Odamlar antitana ishlab chiqarish qobiliyatiga ko‘ra bir-biridan farq qiladi, lekin ularni aniq guruhlarga ajratish anchagina qiyin. Bu salomatlik holatiga emas, balki inson organizmining hech kim bilmaydigan o‘ziga xos jihatlariga bog‘liq» – deydi Alsheyn.

Virusolog, bundan tashqari, yoshi katta insonlarda, ruhiy zo‘riqishdagilarda, og‘riq qoldiruvchi dorilarni qabul qiladiganlar va doimiy ravishda spirtli ichimliklar iste'mol qiladigan odamlarda antitana ishlab chiqarish juda yomon kechishini ma'lum qildi.

Avvalroq Gamalei markazi direktori Aleksandr Ginsburg ham rossiyaliklarni vaksinatsiya davrida spirtli ichimliklardan tiyilib turishga chaqirgan edi. Chunki alkogol vaksinaning kuchiga salbiy ta'sir qiladi. Shuningdek, u ham qariyalarning immun tizimi vaksinaga faol reaksiya qilmasligini ma'lum qilgan edi.

Mavzu
Koronavirus
2019 yilning dekabr oyi oxirida Xitoyning Uxan shahrida noma’lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Mavzuga oid
Top