Ushbu haftada AQSh adliya vazirligi Nyu-York, Portlend va Sietlni hokimiyatlari tartibsizlik, zo‘ravonlik va mol-mulk yo‘q qilinishiga yo‘l qo‘ygan shaharlar deb topgandi.
Nyu-York, Portlend va Sietl shaharlari hokimiyatlari bu shaharlar rahbariyatini tartibsizlik, zo‘ravonlik va mol-mulk yo‘q qilinishiga yo‘l qo‘ygan deb topgani uchun AQSh prezidenti Donald Tramp ma'muriyatini sudga berdi. Bu haqda CNN telekanali xabar bermoqda.
Da'vo Vashington federal okrug sudiga kiritilgan. Nyu-York adliya departamenti rahbari Jim Jonsonning so‘zlariga ko‘ra, uch shahar hokimiyatlari Tramp ma'muriyati hukumat subsidiyalarini ajratishda "aniq qadam" qo‘yishni boshlagani uchun sudga murojaat qilgan. Da'vo arizasida ta'kidlanishicha, mamlakat rahbariyati kongress va shtatlar hukumatlari vakolatlariga zid ish qilmoqda.
"Bu axloqqa zid, huquqiy nuqtai nazardan nomaqbul va konstitutsiyaga to‘g‘ri kelmaydi, bunga qarshi kurashamiz", - dedi Nyu-York meri Bill de Blazio.
Ushbu haftada AQSh adliya vazirligi Nyu-York, Portlend va Sietlni hokimiyatlari tartibsizlik, zo‘ravonlik va mol-mulk yo‘q qilinishiga yo‘l qo‘ygan shaharlar deb topgandi.
Tramp avvalroq tartibsizliklarga qarshi yetarlicha kurash olib bormayotgan shaharlarni davlat tomonidan moliyalashtirilishdan mahrum qilishga qaratilgan memorandumni imzolagandi. Tramp bu choralar Sietl, Portlend, Nyu-York va Vashington shaharlariga nisbatan qo‘llanilishi kerakligini aytgandi.
