«Dunyo-M» aksiyadorlik jamiyati hozirgi kunda Qashqadaryo viloyatida sohaga ixtisoslashgan yetakchi korxonalardan biri hisoblanadi. Mazkur jamiyat dastlab «Qarshi don mahsulotlari kombinati» deb yuritilgan bo‘lib, 1969-1973 yillarda qurib, ishga tushirilgan.
«Qarshi don mahsulotlari kombinati» «Davlat tasarrufidan chiqarish va xususiylashtirish to‘g‘risida»gi qonun asosida Davlat aktivlarini boshqarish agentligi hududiy boshqarmasining 1994 yil 12 oktyabrdagi buyrug‘i va mehnat jamoasi majlis qarori bilan «Dunyo-M» aksiyadorlik jamiyatiga aylantirilgan.
«Dunyo-M» aksiyadorlik jamiyati don mahsulotlarini saqlash va qayta ishlashga mo‘ljallangan bo‘lib, uning tarkibida bir qator ishlab chiqarish sexlari ishlab turibdi.
Xususan, un mahsulotlari ishlab chiqaradigan tegirmon sexi bir sutkada 550 tonna bug‘doyni qayta ishlash quvvatiga ega bo‘lib, bug‘doydan birinchi navli un ishlab chiqarilmoqda. Tsex 2018 yilda Turkiyaning «MAKINA ENERJI» kompaniyasi litsenziyasi asosida yaratilgan ishlab chiqarish quvvatiga ega dastgohlar bilan qayta jihozlangan.
Aralash ozuqa ishlab chiqarish sexi esa bir sutkada 305 tonna aralash ozuqa tayyorlash quvvatiga ega. Tsex 2008 yili Niderlandiyaning yuqori sifatga ega bo‘lgan asbob-uskunalari bilan qayta jihozlandi. Tsexda qo‘y, qoramol va parrandalar uchun aralash ozuqalar ishlab chiqarilmoqda. Shuning bilan birga, granullangan va kroshka yemi ham tayyorlanyapti.
Jamiyat qoshida yiliga 5 mln dona polipropilen qop ishlab chiqarish sexi ham faoliyat ko‘rsatmoqda.
Bundan tashqari, 138 ming tonna bug‘doyni saqlash sig‘imiga ega bo‘lgan elevator, 8 ming tonnagacha tayyor mahsulot saqlovchi un omborxonasi, omixta yem sexida 12400 tonna xomashyo saqlovchi yopiq sig‘im, avtoturargoh, temir yo‘l transporti, ta'mirlov ustaxonasi va qo‘riqlov bo‘limi mavjud.
2020 yilning yanvar oyida 300 o‘rinli, zamonaviy jihozlarga ega bo‘lgan oshxona binosi qayta ta'mirlanib, ishga tushirildi.
Ishchi-xodimlarni limon, pomidor, bodring mahsulotlari bilan ta'minlash maqsadida 20 sotixlik issiqxona qurildi.
Bundan tashqari, jamiyatga tegishli «Issiq non – Navkat» MChJda sutkasiga 1500 kg non ishlab chiqarish quvvatidagi «Vinkler» liniyasi, 2500 kg non ishlab chiqarish «Vaxtel» liniyasi ishlab turibdi.
6 ta savdo do‘koni, bir soatda 50 kg pecheniye ishlab chiqarish liniyasi mavjud. Bir soatda 200 kg makaron mahsulotlari ishlab chiqaradigan 2 ta makaron sexi faoliyat ko‘rsatmoqda.
Aytish mumkinki, «Dunyo-M» aksiyadorlik jamiyati bugungi kunda zamon talabiga moslasha olgani, ko‘p tarmoqli va raqobat muhitiga to‘la javob bera olayotgani bilan ham ushbu yo‘nalishdagi korxonalar ichida yetakchilik qilib kelmoqda.
Reklama huquqi asosida
