Qozog‘iston prezidenti Qosim-Jo‘mart To‘qayev qonunga davlat xizmatchilariga xorijiy banklarda hisobraqam saqlashni taqiqlovchi tuzatmalarni imzoladi.
Foto: Reuters
Tuzatmalarga ko‘ra, Qozog‘iston tashqarisida joylashgan xorijiy banklarda hisobraqamlar, omonatlar ochish va ularga egalik qilish, naqd pul va moddiy qimmatliklar saqlash taqiqlanadi. Bu taqiqlov mas'ul davlat lavozimlarini egallovchi yoki davlat vazifalarini bajarishga vakolatli shaxslar hamda mansabdor shaxslarga joriy qilinadi. Shuningdek, parlament deputatlari va sudyalarga ham xorijiy hisobraqamlarga ega bo‘lish taqiqlanadi. Bundan tashqari, og‘ir va o‘ta og‘ir korrupsiyaviy jinoyatlar uchun sudlangan shaxslarni shartli muddatdan avval ozod qilish imkoniyati istisno qilinadi.
