Joriy yilning 13 yanvar kuni soat 10:00larda Toshkent shahri Yunusobod tumani Sharof Rashidov ko‘chasida haydovchi, 2000 yilda tug‘ilgan B.M. "Malibu" rusumli avtomobilda harakatlanayotib, ushbu ko‘chada joylashgan korxona ro‘parasiga yetgan vaqtida boshqaruvni yo‘qotgan.
O‘zbekiston Respublikasi IIV YHXBB axborot xizmati xabariga ko‘ra, u yo‘l chetida to‘xtab turgan haydovchi, 1989 yilda tug‘ilgan A.S. boshqaruvidagi "Lasetti" va haydovchi, 1988 yilda tug‘ilgan A.Yu. boshqaruvidagi yana bir "Lasetti" rusumli transport vositalariga urilgan. "Malibu" avtomobili ag‘darilib ketgan.
YTH natijasida tan jarohati olganlar yo‘q.
Mazkur YTH yuzasidan Toshkent shahar IIBB YHXB tomonidan surishtiruv ishlari olib borilib, sodir bo‘lish sabablariga aniqlik kiritilmoqda.
