Koronavirusga qarshi kurash shtabi a'zosi Nurmat Otabekov britancha shtamm bilan kasallanganda qanday belgilar kuzatilishi haqida ma'lumot berdi.
Uning ma'lum qilishicha, koronavirusning britancha shtammi bilan kasallanganda bosh og‘rig‘i, mushaklardagi og‘riq, tez boshlangan va avjiga chiqqan yo‘tal, ba'zan ko‘ngil aynish kabi klinik belgilar kuzatiladi.
«Britancha shtammning koronavirusning avvalgi shakllaridan farqi unda hid va ta'm bilish yo‘qolishining nisbatan kamroq kuzatilishidadir. Boshqa ko‘rsatkichlar bir-biriga o‘xshash.
Bu shtamm boshqalariga nisbatan tezroq tarqalyapti va bolalarga ko‘proq yuqyapti. Shuni ta'kidlash lozimki, bu virusning oxirgi mutatsiyasi emas. Virus ham izlanishda va u yangi shtammlarini paydo qilish orqali o‘zining himoyasiga harakat qilmoqda. Bundan fojia yasamaslik kerak.