5-7 mart kunlari o‘tkazilishi rejalashtirilgan turnirning birinchi kunida bahslarda qatnashgan o‘zbekistonlik dzyudochilardan Komron va Sardor Nurillayevlar ikkita bronza medalini qo‘lga kiritdi.
Xalqaro dzyudo federatsiyasi musobaqalar taqvimiga ko‘ra Toshkentda ilk bor dzyudo bo‘yicha «Katta Dubulg‘a» turniri o‘tkazilmoqda. Musobaqa «Humo arena» muz saroyida bo‘lib o‘tmoqda.
Turnirning birinchi kunida erkaklar va ayollar — jami 5 vazn toifasida tatamiga tushdilar.
Turnirda maksimal tarkib bilan ishtirok etayotgan o‘zbekistonlik dzyudochilar -60, -66 kgda vaznlarda medallargacha yetib bordi. Ushbu vazn toifalarida ikkita bronza medalini qo‘lga kiritdi.
-60 kgda turnirda ishtirok etgan Komron Nurillayev bronza medali uchun bahsda tojikistonlik Shahboz Saidabrorovdan ustun keldi.
Ikkinchi bronza medalini -66 kgda tajribali dzyudochi Sardor Nurillayev qo‘lga kiritdi. U medal uchun yakuniy bellashuvda janubiy koreyalik raqibidan ustun kelgan.
