Qayd etilishicha, yangi qoida barcha mansabdorlar, davlat va xususiy korxonalar, xayriya tashkilotlari xodimlariga taalluqli.
Foto: Reuters
Saudiya Arabistoni hukumati koronavirusga qarshi emlanmaganlarning ishga kelishini taqiqladi. Bu haqda qirollik inson resurslari va ijtimoiy rivojlanish vazirligi xabar qildi.
Qayd etilishicha, yangi qoida barcha mansabdorlar, davlat va xususiy korxonalar, xayriya tashkilotlari xodimlariga taalluqli. Ushbu qoida qachondan kuchga kirishi yaqin vaqt ichida ma'lum qilinadi.
Avvalroq Saudiya Arabistonida koronavirus pandemiyasi to‘g‘risida mish-mish va yolg‘on xabar tarqatganlik uchun 266 ming dollargacha jarima belgilangani xabar qilingandi.
Ma'lumotlarga ko‘ra, Saudiya Arabistoni 17 maydan chegaralarni ochadi va o‘z fuqarolarining boshqa davlatlarga safarlariga cheklovlarni bekor qiladi.
