Hindistonning Puna shahri yaqinida dezinfeksiyalovchi vositalar ishlab chiqaruvchi zavodda yuz bergan yong‘inda kamida 18 kishi halok bo‘ldi, bir necha kishi bedarak yo‘qoldi.
Foto: netindian.in
India Today nashrining xabar berishicha, yong‘in qadoqlash sexida boshlangan. Voqea vaqtida zavodda 37 kishi ishlayotgan bo‘lgan.
Yong‘inni o‘chirishga muvaffaq bo‘lingan. Dastlabki ma'lumotlarga ko‘ra, yong‘inga qisqa tutashuv sabab bo‘lgan.
