Xabar qilinishicha, voqea joyida 70 nafarga yaqin o‘t o‘chiruvchi ishlamoqda, portlash ovozlari eshitilmoqda, odamlar evakuatsiya qilinyapti.
London janubidagi Elephant & Castle metro stansiyasi yaqinida kuchli yong‘in sodir bo‘ldi. Bu haqda Sky News xabar bermoqda.
Voqea joyida 70 nafarga yaqin o‘t o‘chiruvchi ishlamoqda, portlash ovozlari eshitilmoqda, odamlar evakuatsiya qilinyapti, deb xabar berdi Telegraph.
Voqeaga nima sabab bo‘lgani hozircha noma'lum, jabrlanganlar to‘g‘risida ma'lumot yo‘q.
London o‘t o‘chirish xizmatining Twitter sahifasida xabar qilinishicha, uchta tijorat qurilmasi, to‘rtta avtomobil va telefon budkasi yonmoqda.
Politsiyaning bildirishicha, voqea terrorizm bilan bog‘liq emas.
