Bugun Madaniyat vazirining birinchi o‘rinbosari Baxodir Axmedov boshchiligida O‘zbekiston davlat konservatoriyasida bo‘lib o‘tgan yig‘ilishda tashkiliy masala ko‘rib chiqilgan. Unga ko‘ra, Rudakiy Allanbayev O‘zbekiston davlat konservatoriyasining Nukus filialiga direktor etib tayinlandi.
U bungacha O‘zbekiston davlat san'at va madaniyat instituti dotsenti sifatida faoliyat yuritib kelayotgan edi.
Ma'lumot uchun, Nukus filialiga yangi o‘quv yiliga qabul jarayonlari Konservatoriya binosida tashkil etilib, 2022-2023 o‘quv yili mashg‘ulotlari Nukus filialining o‘z binosida olib boriladi.
Eslatib o‘tamiz, Vazirlar Mahkamasining 2021 yil 5 apreldagi 186-sonli qaroriga muvofiq O‘zbekiston davlat konservatoriyasining Nukus filiali tashkil etilgandi.
O‘shanda filialning 2021/2022 o‘quv yili uchun bakalavriat ta'lim yo‘nalishlari bo‘yicha qabul jarayoni va ijodiy imtihonlari O‘zbekiston davlat konservatoriyasida o‘tkazilishi aytilgandi.
